អង្គការស្តារកម្ពុជាបានរៀបចំកិច្ចប្រជុំផ្សព្វផ្សាយពីគម្រោងស្តីពីការឆ្នៃប្រឌិតថ្មី សម្រាប់គណនេយ្យភាពសង្គម នៅកម្ពុជា ដោយមានកិច្ចសហការពីអាជ្ញាធរ ខេត្ត និងក្រុងកំពង់ឆ្នាំង នៅថ្ងៃទី១៣ ខែកក្កដា ឆ្នាំ២០២០។ លោកជំទាវ ប៊ន សុភី ជាតំណាងឯកឧត្តម អភិបាលខេត្ត និងជាអភិបាលរងខេត្ត និងលោក យិន សាវេន អភិបាលក្រុងកំពង់ឆ្នាំង ជាគណធិបតីបើក រួមទាំងមន្ទីរពាក់ព័ន្ទជាច្រើនទៀត សរុបមានចំនួន៣៩ នាក់។ គម្រោងនេះ មានរយៈពេល៤ឆ្នាំ គឺចាប់ពីថ្ងៃទ២៤ ខែឧសភា ឆ្នាំ២០២០ រហូតដល់ថ្ងៃទី២៤ ខែឧសភា ឆ្នាំ២០២៤ ក្រោមជំនួយឧបត្ថម្ភពីអង្គការសុខភាពគ្រួសារអន្តរជាតិ ដោយអនុវត្តក្នុង សង្កាត់គោលដៅចំនួន៤ នៃក្រុងកំពង់ឆ្នាំង។